舒淇泰國過聖誕有仔陪
身為「香港血癌基金」愛心大使的陳寶珠昨日與舒淇出席《香港血癌基金X海港城「窩心聖誕窩」慈善籌款揭幕禮》，舒淇表示聖誕節會選擇在泰國度過，問到有否男伴同行？她即說：「有！男伴咪即係男性朋友。（有冇可以發展嘅男性朋友？）個個都有可能或者冇可能，感情唔係話嚟就嚟、等一下子就嚟。（你想等一下子就嚟？）有時唔係天雷地動一下子就嚟，凡事冇絕對。（對感情事唔積極？）連下個月去邊都未定，根本冇時間去發展或者畀機會人，好難去識人，不過一個人都幾自由。」問到會否想如大S般有天雷地動的姻緣？她說：「緣分好難講，都幾浪漫，但比較唔啱自己，快得咁交關。（閃電結婚？）唔會！要慢慢認識了解，兩個人一齊係一世。」
同場的寶珠姐聲沙抱恙，她笑言聲線性感，並表示前天失聲，不知道是否因連吃五隻大閘蟹所致，她笑言吃大閘蟹最高紀錄是七隻！她又透露會邀請兒子楊天經的女友出席聖誕派對，問到會否催婚？她說：「唔會畀壓力，順其自然啦！（想抱孫？）冇諗住，因為呢個世界太艱難，將來啲細路會好辛苦。」
舒淇與寶珠姐攬着小聖誕老人合照。
抱恙的寶珠姐與舒淇出席活動，有講有笑。
舒淇為慈善出力，心情零舍靚！