狄龍訓示勿樂極忘形
有「道理龍」之稱的狄龍，前晚頒獎前先唸詩再晒英語說：「TVB, Thank you so very much to give me such an opportunity to this evening event！」其後發表心聲：「頭先見到麥包（麥長青）真情流露，佢係一個乖孩子，不過得獎唔好樂極忘形，因為樂極會生悲！獎係睇兩面嘅，好似好靚嘅蜜糖搽咗喺把刀度，大家要適可而止，否則貴客自理！」
狄龍大哥的一番言論，有網民直指他一盆冷水潑向麥長青，連狄龍世姪女姜依蘭（姜大偉女兒）亦在微博表示不明所以。至於麥包接受電話訪問時說：「我當時喺後台做緊訪問，聽唔到！不過有人講番畀我聽！（有過節？）我之前唔識狄龍大哥！試過拍外景佢經過，都有買汽水畀我哋。相信佢係教導我，唔係針對我！我做事勝不驕、敗不餒，有機會都想打畀佢多謝佢！」他亦有在微博感謝大家「不怕肥膩」給厚愛。而狄龍太太陶敏明則說：「狄龍嘅言論冇針對任何人，後生仔得獎開心都要有啲警惕嘅！我哋都戥佢開心！」
麥包雖然被「教訓」，幸無損獲獎心情。
狄龍講完道理忘了頒獎，令雯女哭笑不得。