男友「花」招賀壽盧頌之感動到喊
前日21歲生日的o靚模盧頌之（DaDa），昨日偕A. Lin到旺角出席「陳記點心」宣傳活動。DaDa承認與成龍前經理人陳自強的契仔Geoff拍拖一年，並一起過生日，她大讚男友很有心思：「佢突然送花同蛋糕，咁大個女我第一次收花，真係感動到喊！（送鑽石？）係首飾，雖然唔係鑽石，但當中嘅心意比鑽石更矜貴！（計劃結婚？）佢會係我結婚對象，話唔埋閃電結婚！（男友叫你唔好性感？）有講過，希望我行矜貴路線。（對方有錢？）唔係。」A. Lin則羨慕DaDa，但笑言將來才找有錢男友，現在以事業為重。
DaDa（右）大讚男友送禮有心思，A. Lin則坦言羨慕。