崔建邦開口夾着脷寸爆紅地氈
獲六嬸方逸華題字鼓勵的林峯，剛從馬來西亞宣傳巡迴個唱返港，便馬不停蹄亮相無綫頒獎禮。以黑色乾濕褸襯襟針的林峯，甫到場即令粉絲起哄，更向司儀崔建邦（Amigo）單眼放電！
至於因陳志雲回巢而「翻生」的Amigo，雖然再度擔任大騷司儀，可惜開口夾着脷，在紅地氈上向有份角逐視帝的林峯說：「你都係志在參與啫！」令對方一臉尷尬，他隨即死兜：「你今日有冇信心？」場面爆笑！口水多過茶的Amigo，其後風騷喪撩緋聞舊愛唐詩詠：「你笑得咁開心，好似好有信心喎！」唐詩詠聞言即回眸甜笑。
此外，另一「型男」黃浩然佩戴350萬港元鑽飾上陣，耀眼程度不遜於同場女星，他透露煲呔由太太親手製造，別具意義。
林峯雖然施電眼冧崔建邦，可惜仍難逃被寸的命運。
林峯