黃浩然開齋報喜 唐詩詠喊住攞進步獎

黃浩然開齋報喜 唐詩詠喊住攞進步獎

唐詩詠大熱奪得「飛躍進步女藝員」,頒獎的曾志偉拿其緋聞來開玩笑:「阿邦(崔建邦)使唔使過嚟恭喜吓?」唐詩詠未來得及反應,便帶淚感謝亡母:「我想將個獎畀我媽咪,以前我做乜都三分鐘熱度,但演戲冇!我好多謝媽咪生前好照顧我,好錫我,唔知點解我有句話廿幾年都冇同你講,我真係好愛你!希望畀機會我再愛你一次!」當她含淚致謝詞時,鏡頭影着崔建邦,他全程木無表情,但最終沒有播出街。而崔建邦事前訪問候選人時,獨欠唐詩詠和李詩韻。談到得獎感受,唐詩詠說:「冇諗過會拎獎,我會拎個獎去拜媽咪。」

此外,黃浩然同樣以大熱姿態勇奪「飛躍進步男藝員」,他拿着貓紙說:「我入行十三年、喺無綫三年半,呢個係我入行後第一個獎,我要多謝好多監製畀機會我,要多謝鄭則士,尤其係我太太,喺我最艱難時候同我捱過。」尾聲時他突然宣布喜訊將榮升父親:「好多謝太太嚟緊為我帶來小生命。」問到會否向杜琪峯致謝?他說:「會!我諗住同佢影番張合照,佢教過我點喺娛樂圈生存,入咗無綫多咗個平台有人認識我,依家我會積極搵奶粉錢。」

黃浩然致謝時,不忘多謝老婆支持。

唐詩詠進步獲肯定,念及亡母,感觸落淚。