非凡哥跑出女配角法拉送抱
陳法拉演活《義海豪情》中晴晴一角膺「最佳女配角」，她興奮得與多位男藝人抱抱，並向各人飛吻致謝，她哽咽地說：「劇中角色我知唔係所有人都喜歡，我都聽過好多負面意見，我會全部接受，多謝公司、添哥、編劇，我會繼續努力，好開心有機會拎到呢個獎。（去男友薛世恒嘅卡拉OK慶祝？）唔知呀！好提議喎！（買鑽石獎勵自己？）自己買又好、送又好，最緊要開心。（男友送咩？）都唔知佢有冇睇電視。（係時候結婚？）今日講工作同獎項。」但不少網民在討論區留言質疑她得獎。而「最佳男配角」同由《義》劇的非凡哥麥長青奪得，他激動帶淚上台說：「我唔敢邀功，冇李添勝、編劇我企唔到喺呢度，我低潮時好感謝曾勵珍，自《閃電傳真機》拎過最受歡迎主持後另一個獎，真正可以畀家人睇嘅成績表，今日叫我息影都得！劇中成日畀人叫食屎，做呢個角色食十年都抵。」
陳法拉演技備受讚賞，獲獎後四圍送抱。
麥長青勇奪「最佳男配角」，激動到喊。