祥仔雯女眾望所歸熱爆冧莊
黎耀祥和鄧萃雯締造冧莊神話，雙雙憑《巾幗梟雄之義海豪情》在《萬千星輝頒獎典禮》中蟬聯帝后，該劇同時囊括男女配角獎，成全晚大贏家！
昨晚《萬千星輝頒獎典禮2010》在將軍澳電視廣播城舉行，鄧萃雯和黎耀祥一如本報報道，開創先河雙雙締造神話蟬聯視后、視帝，繼去年的《巾幗梟雄》後，憑《巾幗梟雄之義海豪情》再度封后稱帝，《巾》劇成全晚大贏家，惟「最佳劇集」一獎敗於《公主嫁到》手上。
雯女憑九姑娘一角再度奪獎，上台一刻開心到笑不停：「我想講默默耕耘係有人睇到，好多人冇機會喺呢個台，好多人默默耕耘、捱更抵夜，拍電視劇好辛苦嘅，一個角色做得好，多謝主耶穌，畀咗好多人生經驗我，多謝上天畀我鍾意做戲。」她又呼籲大家看劇之餘珍惜和平及相信劉醒與九姑娘的一份真愛。
至於再度成為視帝的祥仔開心地說：「多謝TVB多年嘅栽培，多謝老闆畀咗個咁好嘅平台我哋，要多謝嘅人舊年講過晒，以為講咗一次冇機會！劉醒係我一個好鍾意嘅角色，一世都會記得！」
阿佘失望陳豪開心
《公主嫁到》的陳豪與佘詩曼失落帝后，陳豪獲頒「最佳專業表現大獎」時表現愕然，他上台說：「其實我唔係好專業，都係搞吓笑啫！依家又開心又擔心，男主角咪凍過水。」而阿佘成為「我最喜愛的電視女角色」：「攞呢個獎我真係好開心！呢個角色係我最鍾意嘅一個。（失望？）會有少少失望，但唔會唔開心，冇可能攞晒啲獎。」
林峯爆冷連掃兩獎
全晚共頒發十五個獎項，其中「我最喜愛的電視男角色」爆冷由林峯擊敗大熱的陳豪和祥仔，他領獎時感謝台前幕後及Fans，更兼奪「tvb.com人氣大獎」，當陳奐仁和趙增熹出場頒獎時，二人一番「口角」，陳「寸」趙「冇笑容」啱拍《刑警》，令玩杯葛而「隱形」頒獎禮的劇集《刑警》得以「現身」，不知道鬧爆無綫的黃日華是否要多謝他呢？而得獎的林峯，可能是首位上台領獎有點意外，縮一縮膊，表現得有點驚訝。問到方小姐贈言是否有助得獎？他說：「唔關事。（怕唔怕奪獎多是非？）我入行至今都好多聲音。」
頒獎禮結束後，祥仔與雯女一同受訪：「呢個係一個歷史，好難得！（失落最佳劇集？）《義海》成個團隊比個人獎更加重要，台前幕後都付出咗努力，不過願賭服輸。」問到冧莊後會否簽約無綫，二人笑說：「根本冇人邀請過我哋簽約，證明同換獎冇關係，下年要換個話題！」
最佳男主角
黎耀祥
最佳女主角
鄧萃雯大熱再奪視后，實至名歸！
黎耀祥憑「醒哥」一角封視帝，喜上眉梢，與君如錫錫！
我最喜愛的電視女角色
佘詩曼
憑喜劇及「昭陽公主」一角，成為觀眾最喜愛的角色，鄧萃雯上前祝賀。
我最喜愛的電視男角色
林峯
兩獎在手的林峯獲頒「我最喜愛的電視男角色」前，被要求做出趣怪表情。
陳豪僅奪得「最佳專業表現大獎」獎座，依然Happy！
失落獎項的惠英紅，志在參與，笑到見牙唔見眼。
敖嘉年（右）與麥長青由劇內鬥到劇外。
楊怡（左起）、鍾嘉欣、鄧萃雯及佘詩曼成為「我最喜愛的電視女角色」五強。
刁「雯」！搶我獎？我無霜亦無塵……（設計對白）
成幫人撐住我o架！（設計對白）