陳豪靠半個贏字望再下一城
另一視帝大熱陳豪貴為無綫「親生仔」，加上在《公主嫁到》的出色演出備受好評，可惜在高層投票上仍處下風。雖然如此，但他受訪時仍笑言會掛着半個贏字出戰：「祥仔（黎耀祥）係我好欣賞嘅演員，我哋對於攞獎都係抱住平常心，但當然攞到最開心啦！其實今年運勢幾好，之前攞咗幾個出面嘅獎，覺得依家心口已經掛住半個贏字。」
至於林峯雖然腹背受敵被看淡，但絕不是陪跑分子，「Professor King」形象深入民心。問到對兩大勁敵有何睇法，他說：「其實陳豪同黎耀祥兩個我都鍾意，但我鍾意悲情戲多啲，所以會揀祥仔嘅《義海》，希望將來同佢合作。（你有冇信心硬撼？）信心一定要話有，其實之前一直都冇諗過，《談情說案》播出後好多人講，先開始意識到獎項，搞到我個心囉囉攣。」
雖然處下風，但陳豪仍希望乘勇再下一城。（設計對白）
林峯睇好對手黎耀祥攞「最佳男主角」。