林司敏磨利刀攻內地
年僅19歲的新人林司敏（Ciwi），已先後參與過《愛出貓》、《童眼》及《B+偵探》多部電影，最近又獲邀客串新片《最強囍事》，與劉嘉玲、古天樂、甄子丹及張栢芝等巨星合作，令她興奮不已！她說：「作為新人，好難得有機會同一班實力演員合作，我好珍惜呢個機會，有時喺片場唔使埋位，都會睇吓其他演員演出，可以偷師添！」
Ciwi現正修讀普通話老師文憑課程，同時兼顧電影拍攝，可謂忙得不可開交。不過，她還抽空學習跳舞、鋼琴及日語，時間分配令她相當頭痛：「我仲打算修讀演藝課程，希望喺影壇有更好發展，因為內地有好多好出色、好有實力嘅女演員，如果要去內地發展，真係要周身刀！」
林司敏積極增值，希望有機會到內地發展。
