張繼聰享受舞台T-back獻身
張繼聰早前揼本與好友搞劇場，他笑言靠執一蚊、不食不搭車才儲夠本錢投資，一分一毫都是血汗錢！談及演出尺度，他表示裸露不等如大膽，更自爆曾穿T-back演繹「生殖過程」！
張繼聰（Louis）早前豪擲近7位數字與舊同學成立劇場，首部作品邀得官恩娜演出，票房與回應均不俗，令這位老闆喜上眉梢！7位數字絕非小數目，問到是否今年賺到笑，所以能瞓身投資？他說：「演藝畢業之後就做歌手，始終演員身份最舒服。為咗實現夢想，有幾年冇食飯、冇搭車、喺街執一蚊，睇嚟嚟緊都唔使食飯住！」他追求的是創作過程帶來的享受，並將演舞台劇比喻為送出心靈小禮物：「我哋想畀嘢人諗，如果有人睇完喊，即係佢釋放咗一啲嘢，對佢嚟講已經係收到份禮物！」
自嘲非巨星
在舞台上可以天馬行空，尺度闊過黃河都得，問到有家室的Louis可以有多大膽，他笑說：「你覺得最大膽係裸露？唔係，我以前淨係着T-back演繹生殖過程都試過！（冇尺度？）老實講，同對手交流，最真摯嘅感情先係最難做。」他揚言不會框死自己，更自嘲不是天王巨星，所以演出沒有包袱。
演藝學院出身的張繼聰，認為在台上裸露不算最大膽。
張繼聰邀請官恩娜參與劇團第一擊，對她充滿信心！資料圖片
為儲錢投資舞台劇，張繼聰笑言有幾年不吃飯、不搭車。