李莉琳表情多贏戲份
有「翻版大S」之稱的李莉琳（Liz），早前在上海與鍾鎮濤、方力申及鄧麗欣等拍攝電影《宅男總動員》，雖然年紀輕輕，但卻要飾演一名剩女幫成員，她笑說：「唔介意，我真係『剩』咗好耐，已經有一段時間冇拍拖，但冇所謂，我唔介意忙到冇時間拍拖，即使喺上海拍戲好辛苦，捱到返香港病咗幾日，我都唔會有怨言。」
Liz透露角色是臨時調配：「我原本嘅角色戲份好少，但同導演傾完偈之後，佢發現我表情多多，普通話又講得唔錯，所以臨時調咗呢個角色畀我，有好多發揮機會，又要做臥底，又要扮男仔，雖然工時長咗，但我冇計較人工有冇多到，最重要有機會。」
Liz已有一段時間沒有拍拖，演「剩女」入型入格。
Liz與導演聊天後獲賞識，戲份大增！
