G.E.M.心酸聖誕刻骨銘心

鄧紫棋（G.E.M.）填詞兼主唱動畫《借東西的小矮人亞莉亞蒂》的粵語版主題曲，率先看了動畫的G.E.M.坦言歌詞是女主角的內心獨白，自言對聖誕有無限憧憬的她自爆了一段心酸往事。

動畫將於聖誕節上映，記者問到可曾有過浪漫的聖誕節？G.E.M.說：「勁難忘呀！我初戀男朋友話平安夜同埋聖誕節，只可以揀其中一日陪我，我聽完之後真係晴天霹靂！」G.E.M.表示非常喜歡節日的氣氛：「中秋、情人節、新年等等我都好鍾意o架！不過最愛係元宵，呢個係有中國特色嘅情人節！」談到興高采烈之際，她卻突然無限感慨的說：「不過依家每逢節日就特別忙，想趁節日去旅行都係一個大奢想！」但她樂觀地表示自己仍年輕，終有一天能到不同的國家過節，順便環遊世界！

嘗試多方面發展

率先看了動畫的G.E.M.坦言被戲中主角的感情所感動：「佢哋之間個感覺好Warm o架！感情純真得嚟又有啲浪漫，填詞時我真係當咗自己係女主角o架！而歌詞就係亞莉亞蒂嘅心聲。」是次為動畫的主題曲填詞及主唱，問到可有興趣配音？她說：「都有o架！我覺得配音係一件專業嘅事，如果要令觀眾聽到阿G.E.M.把聲，但諗起嘅唔係阿G.E.M.而係故事入面嘅角色，真係好神奇！」她又說：「雖然我對拍戲、主持等都有興趣，但呢啲都需要時間培養。無論點都好，我都會以音樂行先！」