陳倩揚明日出閣恨生夠3個

08年港姐亞軍陳倩揚（Skye）明天出嫁，她表示婚後會努力「造人」，最好生夠三個；Skye已邀請同屆冠軍張舒雅赴喜宴，談到對方宣布「復出」，她深表支持，又大讚張舒雅有Model型格！

恭喜恭喜！陳倩揚（Skye）明天下嫁拍拖8年的男朋友，正式展開人生另一個樂章！Skye對這位老公仔讚不絕口，滿分都嫌畀得少，她甜笑地說：「佢讀書叻，個人有計劃，唔固執死板，處事冷靜，可以信賴，而且我哋好鍾意旅行，次次都有驚喜！（嗌交？）拍拖期間點都會有，大家會鬧情緒，但好快處理到，都係耍花槍！」

支持張舒雅復出

婚後Skye除了努力工作，亦會積極「造人」，她說：「如果時間同能力範圍容許，生三個就最開心！（度蜜月？）可能出年一月底先去，想去馬爾代夫同蘇梅島！」她透露高海寧及宋熙年等將擔任姊妹團，屆時穿上性感姊妹裙與兄弟團鬥餐飽：「啲姊妹裙係我揀畀佢哋，靚得嚟又性感！（搶你鏡？）唔怕！（玩新郎？）難得放縱，冇問題！」至於同屆冠軍張舒雅曾因工作態度Hea爆，而獲封「Hea爆港姐」，還需要Skye頂替她履行冠軍職務，對於張舒雅近日「復出」，Skye說：「我哋都有聯絡，有請佢嚟飲，但佢好似有嘢做，未知嚟唔嚟到！其實佢OK，Keep住努力工作，一定會成功，我好支持佢。」

婚禮翌日，Skye將無法休息，反而要出席TVB頒獎禮，惟她毫不介意，還笑言可當After Party，今年有份角逐「飛躍進步女藝員」獎的她提到奪獎信心，她說：「有份提名已經係一個獎，大家都有付出努力，代表公司認同，攞獎隨緣啦！」除了擔任主持外，Skye亦有拍劇，並於新劇《洪武三十二》與馬德鐘結劇緣，更把螢幕初吻獻給對方，問到會否擔心老公詐型？她說：「唔會！做嘢咋！」