湯駿業演獨腳戲大呼好玩
舞台劇演員湯駿業將於明年1月13日演出首個獨腳音樂劇《築地哈林》，大呼刺激的他說：「以前都係人哋寫好個古仔畀我跟住演，不過今次呢個劇除咗自己包辦主演、編劇同監製外，仲要一個人演繹成個古仔，所以幾有難度！」雖然單人匹馬演出少不免有壓力，但他並不擔心賣飛情況，他說：「每場只有80個觀眾，我開14場，即有千幾個觀眾，每場Full晒都只係打過和，不過因為自己同觀眾得兩、三個身位咁近，所以好好玩！」
湯駿業透露早前與導演開會，又向朋友介紹其音樂劇故事，眾人異口同聲大讚故事吸引，令他的信心大增。為配合今次音樂劇，他更會推出新碟：「依家暫定五至七首歌，雖然要修改故事、排劇，又要錄歌，但我好享受。」
湯駿業十分期望明年一月演出的音樂劇。