Theresa向GaGa偷師舞出Sing途

加盟星皓後，傅穎（Theresa）終於實踐了多年心願，打造全新形象唱跳舞歌，向國際巨星Lady GaGa偷師，跳出新天地。

在金牌大風多年的Theresa，終於跳槽加盟星皓，即將推出新碟《Metamorphosis》的她，將蛻變重生，在舊公司一直想唱跳舞歌的Theresa，直至轉新公司才等到機會蛻變化蝶：「我想做啲以前冇做過嘅歌，畀歌迷新鮮感，想畀大家知，我係勇於嘗試，有創新精神！」結果請了林若寧填詞，第一份詞的內容是講已故一代尤物狄娜，年紀輕輕的Theresa對狄娜姐姐不熟悉，怕唱不出神髓，故請林若寧再填第二份詞，今次找了Lady GaGa當代表人物，創造了新歌《加加夫人》，她不但請了韓國排舞師學舞，還飛到當地買了近20對高踭鞋苦學舞功，打造全新形象。

唱出愛情觀

除了快歌，Theresa有首慢歌《黑房》是由周永恒（Roy）作曲，她說：「首歌講現代嘅愛情好似即影即有相機，唔鍾意就Delete，冇咗沖曬菲林嘅期待心情，首歌講我嘅愛情觀，我唔鍾意拍散拖，要諗好耐先決定開始一段感情。」本來新碟還收錄了另一首快歌，但因為她的聲帶出現問題而不能灌錄，她慨嘆地說：「今次做呢隻碟幾經艱辛，做嘅時間幾長，開會、搵歌、監製同填詞，感覺好似BB仔學行路，但就有一個遺憾，本身仲有一首快歌，因聲帶問題錄唔到，雖然感覺唔完整，但配套好完善，除咗有兩個封套之外，限量版仲會隨碟送手繪月曆、手錶、鴨仔畀Fans做聖誕禮物。」