廖碧兒唔怕歐倩怡呷醋
於新劇《依家有喜》中飾演臥底的廖碧兒，經常與小朋友有對手戲，但中文程度只屬有限公司的她，不諱言對着一眾小朋友時處於下風，認真失敗。問到有否買糖果氹小朋友，碧兒耍手兼扭頭，沒想過首次與大班小朋友合作便失手：「佢哋講嘢好直，中文又叻過我，有時講對白唔正，佢哋就會窒住晒，搞到我好瘀！」繼多年前《皆大歡喜》後，碧兒再次參與處境劇，她笑言感覺新鮮，現正期待觀眾反應。
提到與郭晉安合演情侶，碧兒不諱言有親熱場面：「我哋嚟得好自然，有時都唔係監製要求，覺得Mood到就做囉！唔擔心歐倩怡會嬲，相信佢都明白我哋係做嘢囉！」
繼《皆大歡喜》後碧兒再演處境劇，她最期待觀眾的反應。
碧兒首次與小朋友合作即失手，被取笑中文水皮。