高層之女鄭文斯向公仔箱Say No
新進模特兒鄭文斯（Mancy）三年前由樂基兒帶入行後，接拍了不少平面和電視廣告，原來她的父親乃電視台高層鄭偉強，可謂背景強勁，問她可有考慮轉型做藝人，她說：「從來冇諗過，因為我唔鍾意演戲，可能我喺外國返嚟，平時亦唔多睇電視劇。」原來Mancy除了當模特兒外，兩年前更首次創業，任婚禮策劃師，成績理想。問到將來可會為自己籌備浪漫婚禮，她說：「我同外籍男友拍拖幾年，大家都有傾過結婚，到時會幫自己搞婚禮，不過我嘅夢想婚禮係好簡單，最好只有二十人以下，得自己家人同識咗好多年嘅朋友。（爸爸有冇意見？）冇o架！」
一向走型格路線的Mancy，問到可會走性感路線，隆胸上位，她說：「我冇呢個條件行呢條路線，我鍾意天然，冇乜必要都唔想開刀，除非身體有事啦！我又唔係o靚模。」