陳柏宇借Tee傳意打不死
愈來愈有時裝觸覺的陳柏宇，早前為慈善出擊，親自設計6款以「永不放棄」的戰鬥精神為題的Tee及帽，他直言這是其做人原則及信念。
陳柏宇早前與本地時裝品牌LIFE合作推出時裝，為品牌與救世軍循環再用計劃宣傳，設計以Navy（海軍）為主題：「每年冬天都有軍服元素，今年海軍更加係大熱嘅項目，而且我最鍾意呢隻海軍藍色，所以好快就決定用Navy呢個概念！」
他表示入行至今一直抱「堅持」的態度：「做人唔應該輕易放棄，要相信自己嘅信念，尤其係依家嘅年輕人，好容易受朋輩影響，所以我希望藉呢次活動去宣揚呢個信念！」
趁機谷新碟
陳柏宇向來是Tee的狂熱分子，喜歡它方便易襯：「我鍾意啲Tee個Print唔好咁大，簡單就是美，所以今次都係以簡約為主。」問到會否建立自家品牌，他笑言未是時候：「我對設計衫暫時唔係好大興趣，而且依家做嘢真係好忙，所以暫時唔考慮住。」他呼籲歌迷大力支持，因為這次是「激罕」合作，並趁機宣傳新碟《Put On》：「『Put On』有『着上』嘅意思，所以同今次出衫都有關係o架！哈哈！」
陳柏宇為慈善踩過界，設計六款以海軍為主題的T恤。
鍾情海軍藍色的陳柏宇，藉設計宣揚「堅持」及「不放棄」的信念。
陳柏宇呼籲歌迷支持他的「激罕」設計，為慈善出力。
