裴殷貪後生樂做o靚模
剛踏入22歲的o靚模裴殷（A. Lin），已準備了禮物慰勞自己，她說：「我買咗對鑽石耳環做生日禮物，雖然只得半卡，但都用咗5位數字，我想人生第一粒鑽石係自己送。」她表示將於聖誕節往溫哥華登台吸金，希望明年的生日禮物是儲夠首期買樓。
早前A. Lin拍住師姐周秀娜合演《殭屍新戰士》及《熱浪球愛戰》，稍後將參演王家衛執導的《一代宗師》。問到是否想脫離o靚模行列？她擰擰頭說:「其實一直覺得『o靚模』唔係貶義詞，畀人叫得做『o靚模』表示你仲後生，我好相信青春就係本錢，你估我過多五年仲會畀人叫『o靚模』咩？依家希望兩邊都兼顧到，可以一邊拍戲，一邊繼續模特兒工作。」
裴殷希望儲夠首期買樓。
裴殷拍攝《熱浪球愛戰》時，飛身接球。（資料圖片）