柏豪怪超雲冇通知暴醋

周柏豪跟「何家淑女」何超雲的緋聞傳得鬧哄哄，但柏豪竟不獲邀請賀賭王何鴻燊生日，更殺出程咬金張致恒（Steven）「撬牆腳」，難怪柏豪醋意大發！

周柏豪昨日與鄧紫棋（G.E.M.）和葛民輝出席《麥當勞大富翁遊戲》活動，對於冇份出席緋聞女友何超雲賭王父親的生日會，但「情敵」張致恒（Steven）卻有幸擔任表演嘉賓，柏豪酸溜溜地說：「係啦！冇收到通知！」並自我安慰說：「冇嘅，我專注工作多啲，太多緋聞對我事業都唔健康，不過叫到我當然好樂意出席！（唔同世伯講生日快樂？）我都冇機會，在心中！」

鄧紫棋拒送聖誕禮物

柏豪與G.E.M.均透露聖誕節要在工作中度過，兩人更不約而同表示沒有準備禮物送給緋聞情人，跟林宥嘉傳緋聞的G.E.M.說：「我唔興送禮物，只會講聲聖誕快樂！（分咗手？）哎吔！唔講呢個話題，你哋成日玩我！」問到是否恨過浪漫聖誕？她說：「我喺工作中過，啲燈光都好浪漫！」

另外，昨日超雲及超蓮均在微博上載賭王的壽宴相，衣着性感的超雲蹲下來與父親合照，而穿Tube Dress的超蓮亦大騷跟父母及小朋友的合照，她笑言媽咪每張相的表情「都怪怪的」。