小紅降呢爭獎睇好勁敵「晴晴」
今年的「最佳女配角」，預料是七料影后惠英紅與陳法拉之爭，問到有多少勝算？小紅謙虛地說：「有五強咪五分一勝算囉！（你同法拉之爭？）咁咪二分一囉！真係好難講，梗有信心嘅！」問到誰是最大對手？小紅直言睇好法拉，尤其是法拉的劇集有優勢：「《義海豪情》係台慶重頭劇，而且啱啱播完，『晴晴』個角色又討好，我嗰套《鐵馬尋橋》年頭播嘅，佢喺呢方面有優勢。」
此外，小紅大讚法拉的演技：「睇到佢好用心演戲，而且有觀察力，出道唔係好耐已經吸收到唔少。」問到以影后身份跟後輩爭獎會否感到尷尬？她笑說：「唔好話爭，唔係我話要玩，係人哋覺得我好嘛！雖然係前輩，但我做得好都應該得到認同，有獎我都開心，冇亦唔失望，就算輸都唔會尷尬。」
貴為影后的小紅，當然有信心奪「女配」！