鄭少秋昨日負傷返電視城拍新劇《心戰》，他表示當時沒有吊威吔才出意外，幸好不用補拍該鏡頭，問到會否留陰影？秋官說：「小心啲就得。」他又指周身感痛楚，手部有時控制得不太自如，亦已到跌打醫館敷藥：「第一次上『十字車』，真係大吉利是！跌完嗰下左邊膊完全冇知覺，真係好驚！」
而日前受訪時被問到睇好誰奪視帝，秋官指黎耀祥與陳豪均是好戲之人：「依家同陳豪拍緊戲，一定要撐佢！其實我一直有留意陳豪，佢由電影轉型拍戲，做得全面，忠奸、搞笑、時裝、古裝乜都得，最重係佢靚仔，有我嘅潛質！」
受傷的秋官繼續開工，頸項仍隱隱作痛。
