Amanda S.四眼Miss誘男友
名模Lisa S.與Amanda S.昨日出席在溥儀眼鏡專門店舉行的Balenciaga 2011春夏眼鏡系列預展，Amanda表示每次戴眼鏡，男友都會大讚性感：「佢話我似Teacher或Librarian（圖書館管理員），可能好多男人細個有呢類Fantasy（幻想）。男友唔戴眼鏡個樣好似超人，雖然超人唔係我Fantasy，但男友喺我心目中係Superman！」至於Lisa S.透露聖誕節至年底，她與老公吳彥祖都很忙，希望聖誕節當日能抽空慶祝！另外，同場的名媛邱李茂琪表示聖誕節會與家人在日本度過，愛玩魔術的兒子會選購有關道具：「佢會拍埋短片上YouTube，個女就做茄喱啡，個仔有玩過切手指魔術，初頭佢仲驚過我！」
Lisa S.與Amanda S.（右）演繹時款眼鏡。