嘉玲默認片酬勝栢芝

張栢芝早前為不和之說闢謠，並以嘉玲姐稱呼劉嘉玲，昨日嘉玲坦言對此稱呼十分受落。對於有傳她是新片《最強囍事》中最高片酬女星，日薪高達125萬，嘉玲不置可否：「係都唔出奇！」

連卡佛為慶祝160周年誌慶，昨晚在中環ifc旗艦店舉行《FASHION：PLAY》慶祝儀式及派對，邀得劉嘉玲、謝婷婷及黃偉文出席。嘉玲穿上Tube Dress，對於張栢芝稱她為嘉玲姐粉碎不和傳聞，嘉玲說：「應該嘅，我都夠年紀，佢平時見到我都係咁稱呼！（叫佢栢芝妹？）唔會！呢個圈好少叫人做阿妹。（叫佢做栢芝姐？）唔會，佢咁細個！」她表示大家經常互相聯絡，不和傳聞是傳媒製造。對於被指是《最強囍事》中片酬最高的女星，日薪高達125萬，嘉玲說：「唔講得，可能係，可能唔係，係都唔出奇！（最高係你？）人哋講啫！（栢芝幾多？）商業秘密！」（袋六百萬？）總之兩方面都覺得合理！」

關心連勝文傷勢

有傳好友連勝文被槍傷是自編自演，嘉玲聞言即表示不認識政治，怕說錯話故不作評論，更指與連太經常保持聯絡：「總之佢係受咗傷，呢個係我最關心，我未聯絡到佢，佢身體好弱，大難不死必有後福。作為朋友希望佢唔好從政，做番生意！」

同場的婷婷身穿Marckie背心裙，她表示以前以為哥哥霆鋒愛Show Off：「但我拍戲之後，先知佢唔係Show Off！好想同父母合作，但同哥哥就一般，因為佢好嚴格，好有壓力。」而黃偉文表示聖誕節將與徐濠縈到日本，屆時會大擦美食，問到還有Quota大擦嗎？他說：「我咁嘅身形，仲有好多時裝朋友請我去派對。」