陳奕迅搶手 天價撬過檔

陳奕迅明年約滿環球唱片公司，不少唱片公司開出超好條件利誘過檔，據知何韻詩所屬公司開出天文數字誓要羅致旗下！

陳奕迅（Eason）將於明年約滿環球，故不少國際唱片公司紛紛向他招手，肥水不流別人田，環球已多次與Eason經理人陳家瑛傾續約。據可靠消息指，當年新秀出身的何韻詩、許志安及劉浩龍所屬的唱片公司對Eason虎視眈眈，開出天文數字利誘過檔。記者向陳家瑛求證，她笑說：「唔係啩？邊度聽番嚟？（話非簽Eason不可？）冇搵過我。（續約環球成數有幾高？）唔敢講，現階段唔敢揣測，做埋隻碟先，邊走邊看。」而環球唱片高級副總裁黃劍濤則說：「我哋傾得好好。」

撐Black Box當還債

此外，Eason、陳慧琳、梁漢文及張繼聰等前晚擔任樂隊Black Box音樂會嘉賓，Eason與成員張佳添合唱後發揮「吹水」本色，吹足數分鐘，他笑言這次現身算是還債：「我當年開第一個騷係搵Black Box做嘉賓。」至於陳慧琳在台上又唱又跳，張佳添踢爆與她於95年出道，她即瞪大眼說：「15年好恐怖。」張佳添還說：「今晚唔留你咁耐，知你趕返屋企湊仔。」陳慧琳說：「係呀！佢未瞓。」而張繼聰則力撐老婆謝安琪日前受訪沒有發爛渣：「佢係EQ高嘅好人，好少做過咗火嘅事。」