娜姐JM收7萬急起直追
雖然o靚模熱潮減退，但她們依舊是商場騷的搶手貨！Angelababy身價勁升，周秀娜及Janice Man（JM）身價亦緊追其後，每次亮相價收7萬元！名模Mandy Lieu則每次收4萬元，而後起之秀陳靜（DaDa）的亮相價亦不輸蝕，平均3至4萬元！
JM昨日出席活動時，竟被公關指遲到近1小時，嚇得她緊張地解畫：「我冇遲到，可能有啲誤會，我做嘢不嬲都好守時o架！」對於老闆黎明豪擲500萬元買法拉利，她亦替對方開心，問到可會坐男友車？她說：「我自己揸車多。（同男友感情好淡？）唔係！」
拍情慾戲冇反應
另一邊廂，娜姐昨日與羅仲謙及導演葉念琛到浸大出席新片《婚前試愛》座談會，她以透視裝現身，事業線若隱若現！當被學生問到拍攝情慾戲時可有生理反應？她笑說：「梗係冇！（問題好過分？）都冇咩嘅，佢哋好奇啫！（套戲講偷食，分享經驗？）我冇呢啲經驗！」此外，Baby及娜姐齊齊奪得「Yahoo！搜尋人氣榜」上榜停留時間最長的焦點人物第1位，而娜姐的相片搜尋量亦排第1位！
娜姐身穿透視裝，若隱若現。
羅仲謙（前排左起）、娜姐及葉念琛出席新片座談會。
JM叉起腰，重申工作上一直守時。