周柏豪怕被利用密冚戀情
江若琳（Elanne）、周柏豪及徐正曦昨日齊齊出席活動，最近緋聞多多的柏豪，無懼被指「翻撻」過氣緋聞女友Elanne，於活動上貼身照顧對方，柏豪說：「風度啫！（怕再傳緋聞？）怕呀！影響工作，咁係唔健康，忽略我做嘢嘅成績。」至於會否公開真命天女以正視聽？他說：「仲大件事，焦點放晒喺戀情，拍拖都唔會公開啦！（結婚？）睇吓對方想法，覺得收埋係保護，如果對方想公開會驚，係行內人會諗係咪博宣傳，唔係就仲驚，唔知佢咩心態！」
另一邊廂的Elanne大讚師弟徐正曦是絕種好男仔，她說：「佢好怕醜o架！唔會口甜舌滑，好踏實，自己都鍾意呢啲男仔，不過我唔啱佢。」
周柏豪體貼地為Elanne戴上心口針。
