黎明掟500萬買完美法拉利

黎明掟500萬買完美法拉利

至愛法拉利的黎明,昨日豪花近500萬元購入458 Italia型號超級跑車,人車同樣尊貴。

昨午在鴨脷洲的法拉利Showroom,Amusic高層王凱文及黎明助手子泉在車行職員陪同下,檢查一架掛上「R1VA」自訂車牌的458 Italia跑車,由於這款車曾因車輪罩及隔熱罩組件使用的特別黏合劑在高溫下融化,令行駛中的跑車着火焚燒,須全球回收,難怪兩人昨日仔細檢查車頭及車尾,還登車測試性能,檢查後才辦手續,即駕駛返回公司。

事後記者致電王凱文,他表示只是代黎明取車:「黎明依家喺大連拍緊《君子道》,我同子泉幫佢Check車,佢好鍾意呢個型號跑車,當日第一時間訂購,但因為第一批貨有問題,即時通知法拉利唔要,改訂第二批新出嘅完美版。(檢查後有冇問題?)非常完美,我見過嘅法拉利車裏面最靚,有570匹馬力,完美無瑕。」據知車價連附件價值近500萬元,配得上黎明的天王身份。

扮翻生許文強

另外,黎明於《君子道》中飾演許文強,此片是《上海灘》後傳,講述許文強翻生的故事,投資者是內地商人姜先生,對方還親任導演一職,大讚黎明十分適合演出此角色,黎明被其誠意打動遂答允拍攝,估計聖誕完工可趕及返港陪老婆樂基兒狂歡。

黎明購入法拉利458 Italia戰車,車身富科幻感,屬流線型,配備先進,車頭燈形狀設計獨特,車廂設計恍如飛機控制室。

型號:Ferrari 458 Italia

引擎: V8

容量: 4499cc

極速:325km/h

0-100km/h:3.4秒

車價連稅:$3,563,000

牌費、燕梳及

附加設備費:$1,300,000

其他法拉利之友:徐子淇、郭富城、沈嘉偉

音樂組

黎明又出新車,可以帶老婆樂基兒遊車河。(資料圖片)

458 Italia跑車堪稱黎明購下的完美跑車化身。

王凱文及黎明助手子泉細心檢查車身,及後職員掛上試車牌,讓他們試車。