蔡一傑突襲Juno 啜完又啜
麥浚龍（Juno）前晚出席主演的新片《復仇者之死》首映禮，他接受訪問時，被草蜢成員蔡一傑從後突襲當眾錫面，當記者要求重演時，蔡一傑一一答應，其後賓客上台影大合照時，蔡一傑再吻Juno面龐，令人嘩然！Juno說：「好高興，之前都同草蜢合作過。（錫你喎！）唔介意，唔好話一啖，錫十啖都得。」
此外，女主角蒼井空缺席，現場只播放一段蒼井空的視像片段，她表示感謝香港團隊的友善，合作得很好。對於有指蒼井空早前來港時不滿電影公司安排工作太密，Juno即為對方解畫：「佢唔係咁嘅人，佢好盡責，我有再同佢通電話，佢係因身體不適，喺日本有工作先嚟唔到。（佢不滿？）冇！佢一路好開心，我承認之前宣傳期有限，佢一日做咗十四個訪問，又入咗三次醫院。（佢透過Twitter表示I hate hong kong, never come back。）呻吓啫！唔信佢會埋怨。」另外，當司儀邀請「老闆」陳子聰上台時，面紅紅的他拿着已弄熄的雪茄大叫「你老闆」，又指司儀不要再稱呼他做老闆「否則會打你」，其後他說：「唔好意思，飲咗啲酒。」
蔡一傑突然啜面，嚇呆Juno！
蒼井空透過視像片段向工作人員問好。
飲了酒的陳子聰（左）把電影公司老闆何超儀送上的手繪賀卡交到Juno手上。