徐子淇生日願望不求添丁

前日生日的徐子淇透露，生日願望並非為李家添丁，並表示一家人齊整開心已感滿足，不敢再向上天有所求。

徐子淇與老公李家誠昨日出席智行基金會舉行的慈善籌款晚會，子淇穿上Vivian Luk晚裝，佩戴由英皇珠寶贊助、價值二千萬港元的首飾。席間，她表示希望晚宴能籌得四百萬元善款，幫助八百至一千名小朋友。被問到前日生日如何度過？子淇透露當日因發高燒在家養病：「全日喺床上度過，今次係第一次一個人過生日，都幾清靜！（小朋友有冇睇你？）佢哋有入房睇過，但唔敢畀佢哋行太近，驚傳染佢哋！（老公李家誠送咩禮物？）有樣嘢我搵咗年半都搵唔到，佢搵咗畀我，好有心意，係一件藝術品！」

至於生日願望，她希望多做善事籌款及家人身體健康：「最緊要分啲愛畀小朋友！（唔係生仔咩？）人哋話善有善報，我覺得唔啱，應該係善有樂報，幫人就會開心，我唔敢要求上天畀乜我，只要一家人齊齊整整、開開心心已經足夠！」她又指女兒在睡夢中被老公叫醒，畫畫送給她賀壽：「不過唔會補祝生日喇，只要開心，日日都係生日！」

基仔否認蝕錢

至於表演嘉賓古巨基即場獻唱兩首歌籌款，問到其時裝店是否靠助手兼緋聞女友Lorraine轉虧為盈，他澄清店舖一直有盈利，開業未到一年已開設兩間分店，亦沒轉名給Lorraine：「助手好幫到公司，一直有分紅畀佢！（幾時變老闆娘？）佢一直係得力助手，我哋都係講番今晚活動！」