Jocelyn冧老公送巨鑽
名模姚予晴（Mikki）、Jocelyn與Cara G.等，擔任Cartier亞洲旗艦店傳媒預展的模特兒。問到聖誕有何節目？Mikki表示會與男友Sunny往北海道旅行，暗示同浸溫泉：「佢之前嘅工作完咗，多番啲自由時間。（男友趁機求婚？）佢依家求，我都唔敢嫁啦！佢係一個好穩重嘅人，只係未到時候。」
Jocelyn非常喜歡手上的巨鑽戒，即對老公Anthony笑說：「結婚兩年半，係時候再買新戒指啦！」他們表示會返夏威夷與家人共度聖誕，順道出席好友的婚禮，還會探訪他們位於尼泊爾所建的學校，準備玩具及衣物等送給小朋友。問及會否扮聖誕老人派禮物？Anthony笑言是好主意，更提議太太扮鹿！
Jocelyn與老公齊齊擔任模特兒，寓工作於談情。
Cara G.（左）及Mikki示範鑽飾，閃爆全場！