陳法蓉送定禮去妊娠紋
蔡少芬突然宣布有喜，一班圈中姊妹大表開心，陳法蓉笑說：「真係好戥佢開心，恭喜佢哋呀！（送咩禮物？）因為懷孕會有妊娠紋，所以我好早送咗支膏畀佢搽！（知道BB性別？）呢啲唔講啦！（認做契媽？）我哋已經係七姊妹，我係六姨唔需要上契。（幾時到你結婚？）好物尋歸底啦！」至於「三姐」毛舜筠被問到可會教蔡少芬燉補品？她笑說：「佢好叻，唔使教！」
王祖藍自言也是剛剛才知好友懷孕：「之前佢幫我將戀情保密，佢自己嘅嘢都會冚得好實！」祖藍還踢爆她與老公已有心理準備迎接新生命：「好期待佢哋嘅BB誕生！」至於蔡少芬舊愛吳奇隆透過經理人表示沒有回應。至於曾合作拍劇的陳豪當知道蔡少芬有喜即笑說：「真係！恭喜佢！聽到消息戥佢開心，希望佢快啲生個肥肥白白嘅BB！」
陳法蓉一早送禮物賀蔡少芬，但不會與BB上契。(資料圖片)
陳豪戥蔡少芬開心，祝福BB肥肥白白。(資料圖片)
王祖藍表示剛剛才知好友蔡少芬有喜。(資料圖片)