李玟祝連勝文早日康復
莫文蔚（Karen）、王梓軒和李玟（CoCo）昨晚出席《PROJECT LOTUS FINALE》最後五強總決賽，來自菲律賓、南韓、日本、印度和內地的五位勝出者，將組成組合「Brush」。
穿低胸裝的CoCo，即將與男友拉埋天窗，原定昨天啟程往紐約試婚紗，但因是次活動而延至今天出發，她興奮地說：「我搵咗當地一位婚禮設計師幫我搞個世紀婚禮，希望到時唔使唱歌，由其他人娛樂我！」問到前緋聞男友連勝文在台灣遭槍擊，CoCo驚訝地說：「我唔知道佢中槍，呢個係Bad News，希望佢早日康復！（慰問佢？）好多年都冇聯絡！」
而身穿Liu.Jo黑色連身裙的Karen透露，隔日便飛一個地方，飛到她「癲癲哋」，更數手指說：「若果以一年飛行時間計算，我有一個月時間喺天上飛！」她透露稍後便積極投入內地巡迴個唱，預計明年才返港演出。
李玟（左起）、莫文蔚和王梓軒悉心打扮出席活動。