(11)權蕙洙：騷過Beautiful Body
候選亞姐(11)權蕙洙好勝又寸嘴，昨日因病缺席泳裝環節，頓成圍攻對象。自言一定會勝出的她不敢鬆懈，稍為休息半天，即回歸拍攝於天鵝湖公園取景的晚裝環節。記者離遠看見權蕙洙累到蹲在樹邊休息，但當發現記者蹤影即彈起身，繼而死頂埋位！
為表現最佳一面，她埋位後即交足功課，笑容滿面兼動作多多。問到病情，她說：「有啲胃痛，今朝去咗睇醫生，應該係食物敏感，可能唔食得豬肉。（少咗個環節會好失望？）冇乜特別失望，上次出席活動已經騷咗My Beautiful Body！」
(11)權蕙洙缺席泳裝環節，為免蝕底，休息半天即回歸。
(5)閔蘭（左起）、(1)陳明月、(2)何婭、(4)祁翼、(6)李瑩瑩和(3)萬嘉麗拍晚裝環節。