畏高王菲半天吊高衩晒腿

鑽石天后王菲5場上海站巡迴演唱會前晚圓滿結束，雖然全晚只講了三次「謝謝」，但不時向歌迷揮手及微笑，表現親民。此外，阿菲更克服畏高，半天吊出場，又在服飾上來個大突破！　

王菲前晚在上海世博文化中心舉行上海站巡迴演唱會尾場，獲老公李亞鵬及好姊妹劉嘉玲到場打氣，全場座無虛席，早前門票滯銷之說不攻自破。狀態大勇的阿菲唱足30分鐘才首度開腔說話，貫徹Cool爆形象，全晚只講了三句「謝謝」，但不時揮手及微笑，令歌迷非常雀躍，獻唱《將愛》時更興奮起舞，全場High爆，未知是否太忘我，起舞時險些絆倒，幸未有出醜人前。唱足兩小時的她，昨日在微博自爆「嗓子啞特了」！

銷情理想歌衫「搞破壞」

而阿菲無懼畏高每晚都坐在空中鳳椅上獻唱，她說：「我有畏高，真係好驚o架！我都算係咁，喺半空都同歌迷打咁多次招呼！」服裝方面，阿菲力求多變，設計師TiTi Kwan在造型上「搞破壞」，將女神裝變超高衩、長外套變短，但他表示已經錫住阿菲，並透露台灣及香港站將有不同造型。有傳阿菲個唱銷情淡，連黃牛飛也割價求售，大會發言人指門票早在北京站開始前已售罄，並已在內地刊報公布：「每晚都仲捉到200至300張黃牛假飛，因為好多人都知係假，所以唔會炒得起！」據知李宇春前公司老闆亦中招，以2萬4千元人民幣購入4張黃牛假票，最終被拒入場。

否認來港醫病趕生仔

有傳阿菲頻來港為治婦女病趕生仔，經理人陳家瑛直斥黐線：「有事點行街？（阿菲想生仔？）佢信佛，生仔會順其自然！」她透露台灣及香港站將各有特色，其中香港站改動最多：「至少會唱廣東歌！」對於李亞鵬有意息影，她笑言對方仍有新戲未上！另外，有網友在微博上載李亞鵬睇騷的相片，問他對太太廣受崇拜的感受，李亞鵬表示阿菲屬於欣賞她的人！