赴台谷戲讓子彈飛 周潤發靠山寨版分飾兩角
國際巨星周潤發昨日出席英皇電影《讓子彈飛》在香港的首個記者會，大會邀得其好友兼老拍檔鄭裕玲（嘟姐）任司儀，吸引不少傳媒採訪，當傳媒已準備收音咪做訪問時，嘟姐即笑說：「今日採訪好似特首訪問咁，有限制！」發哥亦向嘟姐大笠高帽，讚她比以前更年輕。
席間，嘟姐與發哥暢談拍攝點滴，發哥說：「姜文、葛優佢哋表現好好，所以我要做好準備，努力做好！（一人分飾兩角有冇麻煩？）佢哋搵咗個『廣州周潤發』做替身，背面好似，我未試過分飾兩個角色，好好玩！」問到赴台灣宣傳時會否擔心子彈亂飛，他笑說：「冇叫過喎！唔驚，有姜文喺度！」
楊受成（右起）、發嫂、發哥及嘟嘟齊齊為《讓》片造勢。