謝安琪睇好陳總脫服四大

謝安琪昨日舉行新碟簽唱會，雖然沒機會上無綫宣傳，但她不擔心銷量受影響，相信陳志雲復職後能擺平版稅糾紛！

四大歌手謝安琪（Kay）昨日穿上Sass & Bide短Top到大埔超級城舉行新碟簽唱會，並與新鴻基地產代理有限公司租務總經理馮秀炎主持聖誕開幕儀式，Kay笑說：「我係大埔居民，好開心喺度搞活動。（家人嚟支持？）囝囝跟爺爺返咗教會，老公（張繼聰）去咗綵排。」雖然家人未有撐場，但她前晚出席傑青頒獎禮時，父母、老爺奶奶、老公與囝囝全家總動員出席，見證她領取傑青殊榮，問到老公可有送禮物？她說：「唔使！傑青已經係最大嘅禮物。」

唔擔心收入

提到新碟銷量，Kay笑言未有詢問公司：「喺台灣同內地反應都好好，雖然係國語歌，但都上咗香港嘅流行榜。（冇得上無綫有冇影響？）冇計過影響！工作量差唔多，唔擔心收入，我唔係『倒水』嘅人，心願係透過工作做善事。（知唔知陳志雲搞掂咗酒吧業嘅版稅，想唔想四大都快啲搞掂？）我認識嘅陳生好和氣，係睇遠景嘅人，對佢有信心！對自己唱片公司都一樣！依家樂壇多事，但步伐係向好，版稅唔會係長時間嘅問題，四大歌手好受歡迎。」