郭晉安暗示老婆再有喜
再做第二任老竇的郭晉安，昨日與演員飯敍，他笑容滿面自爆太太歐倩怡有喜！安仔被問到追多個B時有所暗示：「有計劃嘅，快o架喇！（未夠三個月未講得呀？）總之到適當時候會同大家講！」昨日安仔與《依家有喜》劇演員米雪、廖安麗、劉倩婷和監製潘嘉德等買海鮮到酒樓開餐，齊睇《依》劇首播。米雪及廖安麗雖有事遲現身，但演員到灣仔街巿時，安仔即被女檔主認出，更成功取得折扣！在劇中飾演兒科醫生的安仔，被街巿女檔主讚相貌OK，他說：「同老婆落街巿買餸，啲人咩都會講。（邊個煮多？）咁呢樣就一定係老婆，佢好講究，煮得好好食，鎖住我個心！」
安仔相約《依》劇演員飯敍睇首播。
郭晉安與劉倩婷等到街市買海鮮。