18變 G.E.M. 魔幻變形方大同橫間晒V娘爆

鄧紫棋（G.E.M.）跟方大同都是唱得之人，同樣專注音樂創作，造型設計全權由公司負責，G.E.M.雖然出道只有兩年，但形象多變，每個造型她都滿意，而方大同提起剛出道時的造型就抹一額汗，自己重溫時亦不禁失笑！

鄧紫棋

所謂「女大18變」，19歲的鄧紫棋（G.E.M.）青春無敵，入行以來形象多變，每次都給人新鮮感，曾扮哈利波特的她最愛戴膠框眼鏡、Cap帽的簡約打扮！

「呢條喺個人演唱會度着，自己好鍾意，同埋嗰期瘦咗啲，平時着鮮色絲襪會好肥，但今次就冇！而條鏈就好似聖誕樹裝飾，好有節日氣氛！」

「我一直都好鍾意哈利波特，嗰次台慶每個出席嘅人都要扮嘢，我即刻諗到扮佢！依家睇番都覺得個造型好得意！」

淡妝、戴帽同膠框眼鏡，我自己本身都有近視，屋企都有幾副膠框眼鏡，不過最鍾意都係黑色框！」

「啱啱出道嘅時候紮到成頭都係辮仔，好花心思，試過用粉紅色裝飾，亦試過用紫色，有時仲會穿珠珠！不過呢個頭真係好麻煩，每兩個禮拜就要拆一次重新整過。

「因為要同RubberBand合唱英國樂隊Spice Girls嘅歌，所以特登打扮成Spice Girls隊員嘅造型，個頭梳咗中間分界，唱嘅時候都投入啲！」

我的Old Day排名

不經不覺，方大同已經入行五年，他每逢出席活動總愛戴上圓形膠框眼鏡，亦經常作潮人打扮，貫徹其「音樂才子」形象！不過，他剛出道時卻有不少娘爆打扮，重溫當年的經典造型時亦一臉尷尬！

「呢張『V』字手勢係我啱啱入行時影嘅，唔明當時做乜搞到個頭咁嘅樣，真係唔知自己嗰時諗咩！個髮型豎起晒，好好笑！」

「我本身對眼好細，真係好少會唔戴眼鏡出街！呢張相除咗影到我對眼好細之外，成身打扮都好似80年代啲人咁，真係娘味十足！」

「都唔記得嗰次做乜會拎住本書，仲要打晒呔着西裝咁斯文！配埋副黑色膠框眼鏡，睇落去真係好似周圍賣廣告嗰啲乜乜星級補習天王！」

「好記得影呢張相嘅時候，個攝影師叫我擺個型啲嘅甫士，我搞咗好耐都唔識，後來就跟住喺雜誌見過嘅星咁擺！」