欣宜靈活拔尖 周慧敏年輕玩味
格仔是時裝的長青圖案,設計師陳刀表示今年除了是毛毛天下外,格仔亦是必入之選:「尤其係蘇格蘭格仔,不過如果襯得唔好,就好易驚變『格仔人』,而周慧敏就着得最有驚喜喇!」
周慧敏
佢着得好Young又型,而且今年興斗篷,我最欣賞佢下身對Leggings有白色Detail位,咁着冇咁悶,比起佢平時嘅打扮好有驚喜!
欣宜
欣宜將格仔披肩當斗篷着都唔錯,我諗佢想遮掩啲肉地,識得隱惡揚善,令塊面睇嚟更尖。
古巨基:軍褲眼花
雖然佢都係着格仔斗篷,但佢條軍裝花紋褲撞格仔花咗,如果換淨墨綠色褲會好啲。
陳偉霆:破例斯文
佢着嘅大方格反而今年冇咁興,而且佢襯得太斯文,唔似佢平日向來型嘅打扮,如果佢戴番條金色頸鏈會好啲。
盧頌之:浪費頸巾
佢條蘇格蘭格仔頸巾靚就幾靚,但佢咁着,條頸巾變得可有可無。
Evelyn:難得型格
向來斯文又活潑嘅Evelyn今次着得好型,而且髮型都好Match,如果真係要再Sharp啲,可以加對大耳環,或者加番個立體心口針,等整體唔使咁2D。
敖嘉年:臃腫失色
我諗佢想着得有層次啲,但上身臃腫咗,又唔突出到件格仔恤衫,而且唔應該襯白色波鞋,着黑色會好啲。
葉梁美蘭:孭錯手袋
佢嘅銀白格仔打扮好啱去Ball,但個白色毛毛手袋就唔應該斜孭,好似落街咁,寧願佢搵手拎住。
陳刀Profile
陳刀畢業於香港理工大學時裝設計系,於城市大學修讀日本研究後,創立個人時裝品牌,更於03年舉行首個時裝展,現替周子揚及羅力威等男星設計形象。
周慧敏
欣宜
古巨基
陳偉霆
盧頌之
Evelyn
敖嘉年
葉梁美蘭
陳刀