C君求婚大作戰微博儲祝福

早前自爆有結婚衝動的組合農夫成員C君言出必行，前日傍晚，他在微博暗示喜訊！據知他打算趁旅行期間，在新西蘭向女友求婚，好兄弟陸永說：「佢成功，我畀埋份糧佢！」

剛度過27歲生日的C君，生日願望是早日成家立室，平日形象「冇厘正經」的他，對終身大事卻非常認真，更秘密籌備求婚大計！前日下午6時許，他在微博說：「我的一小步，兩人的一大步，知情者請祝福我吧，回港見！」隨即惹來結婚疑雲，有歌迷留言問他是否到外地註冊，好友麥玲玲及有線主播鄭文亦紛紛送上祝福。

前晚麥玲玲接受本報電話訪問時，否認拍拖往新西蘭旅遊的C君在當地結婚：「佢去求婚啫！結婚冇咁快，過多1、2年先啦！」她坦言認識C君的女友，大讚對方是好女仔又靚女，問到有否為他們夾八字，麥玲玲笑說：「得o架喇！佢諗得好清楚，佢真係好愛呢個女仔o架！總之我支持佢、祝福佢啦！」

早想結婚生仔

好兄弟陸永則踢爆C君向來有結婚大計：「個女仔我都識咗好耐，係曾經同佢一齊嘅女仔。佢好早就想結婚，想有小朋友，我哋傾過，如果佢結婚，我就幫佢組織個義工結婚團隊，結婚好多嘢要搞o架嘛！我會盡量幫佢搵Sponsor o架喇！」他笑言C君只是嘗試求婚，未知是否成功，問到有否獻計，陸永說：「佢好獨立，而且呢啲嘢要即時應變嘅。（佢成功你有咩表示？）人情啦！平日份糧兩份分，我嗰個月唔要，畀晒佢！」至於唱片公司發言人亦否認C君旅行結婚，指他喜歡熱鬧，結婚定會向大家公布。