關楚耀行內褲騷裝「假狗」
曾在日本涉藏毒被捕的關楚耀洗心革面，前晚他與周秀娜出席活動時坦言經歷人生低潮後，已不再大使，工作至上的他更不介意犧牲色相行內褲騷，甚至效法碧咸裝「假狗」亦在所不計！他說：「以前置裝費至少五位數，依家希望多啲品牌贊助！（穿內褲為品牌行騷？）如果效果靚，唔介意塞嘢，碧咸都塞就冇問題啦！」同場的周秀娜表示或計劃買樓與家同住，但表明不會「安置」男友：「我唔包養！」她又自爆與男友心靈相通，曾在同一間時裝店買了同款情侶裝。至於會否與男友穿情侶泳衣？她笑說：「唔好啦！佢胸肌大過我，佢做健身o架！」
除了關楚耀外，方力申亦將在王晶執導的劇集《大唐雙龍傳》中有一場露股戲，至於有否被緋聞女友鄧麗欣摸過PatPat？他說：「黐線嘅！露都唔使問佢啦！梗係問阿媽啦！」
工作至上的關楚耀，不介意露肉搵真銀。
周秀娜表示即使將來買樓，亦不會預男友一份。