「奶奶」惠英紅送大禮
陳法拉暗示已婚，引起圈中議論紛紛，《巾幗梟雄之義海豪情》演員紛紛送祝福，老公「楊陽」黃浩然說：「咁好笑！之前傾偈我有講笑問佢係咪結咗婚，佢話冇，如果真係結婚，就恭喜佢！（打電話恭喜？）留番當面笑佢啦！」而哥哥「劉醒」黎耀祥亦恭喜「妹妹」，他說：「如果阿妹真係結婚，梗係恭喜佢！有乜嘢好得過搵到好歸宿！（見過佢男友？）佢收得好密！最好叫佢返豬籠里擺酒！」
而其「奶奶」惠英紅則說：「真嘅真係恭喜佢，佢係我好錫嘅小朋友，如果佢正式認一定送份禮物畀佢，聽晚睇《義海》大結局時會八吓，如果佢話係會即刻請佢食消夜！」
「醒哥」笑言希望法拉返豬籠里擺酒。資料圖片
惠英紅疼錫法拉，承諾會準備一份大禮。資料圖片