地下情保愛苗 結婚生夠3個
陳法拉與Neway太子薛世恒相戀4年，一直保持低調，不過她早前接受本報專訪時亦透露點點少女心事。
焗住低調
「我以前冇諗過要將感情收埋，可惜我呢份工作唔可以令我有正常嘅感情生活，如果我要有私人空間，就要咁做。」「如果我哋拖手出街畀人見到係唔緊要，最怕係畀狗仔隊影到，跟住就作一大段嘢出嚟，咁係會好影響雙方感情，所以我要迫不得已咁做！」
憧憬婚姻
「結婚生仔一定係我必經階段，真係好期待，希望人生可以好幸福，我係一個好簡單嘅人，呢個世界唔會有嘢畀家人更親。」「我諗第日起碼會生兩三個，我知道湊小朋友一定要用心同時間，我應該兼顧唔到事業，就算養貓都要Take Care啦，何況自己骨肉？」
尊重家長
「兩個人冇可能完成呢個決定，係要經兩邊家庭商量，兩邊家庭首肯先OK，所以呢個係6個人嘅決定，包括雙方家長！」
陳法拉憧憬結婚，坦言婚後會生兩至三個小朋友。資料圖片