柴娃娃賀蘇民峰生日 陳爽拉隊變臉贈興
來港發展3年的華裔小姐陳爽，因拍攝《民峰學院》而認識大班好友，早前她與曾華倩、高海寧及蔡淇俊等到堪輿學家蘇民峰的大宅出席生日派對，由傍晚6時玩到凌晨1時許！她說：「蘇師傅好好客，成日叫我哋唔好嘥錢買嘢，最後大家夾錢買咗個大蛋糕同佢慶祝！」她透露BBQ的食物非常豐富，有鮑魚、大蟹及西冷牛扒等，食完飯還有遊戲環節：「師傅屋企有部多功能健身器，可以一次過鍛煉身體唔同部位，唔好睇師傅瘦瘦削削，原來佢15歲已經開始玩健身，可以玩到十幾個項目，蔡淇俊咁高大都只係玩到4、5個，我當然一個都唔得啦！」
開派對當然會影靚相，眾人在微博分享多張不同表情的大合照，有扮鬼臉、扮Cool及扮咀等，阿爽說：「我哋每次做完節目都影張大合照，由唔同人發號施令做表情，我叫大家扮清裝人，成日木口木面冇表情，都幾得意！」
阿爽、曾華倩、高海寧與蔡淇俊等扮鬼臉，與蘇民峰師傅慶祝生日。
有女友陪伴，蘇師傅笑得特別甜。