Juno鐵枝插耳痛不欲生
麥浚龍（Juno）在新片《復仇者之死》中受盡皮肉之苦，其中一場戲講述他在警局內被逼供，遭一支七吋長的鐵枝直插耳孔，他坦言有份構思這場戲：「到真正埋位拍攝，其實都好緊張，因為對手唔知插到有幾入，真係隨時有可能插爆我耳膜都唔知，所以當時痛楚嘅表情係真情流露。」另一場戲他被錢小豪拋起，再用力將他的頭部壓落枱上的按釘堆中：「啲按釘雖然係道具，但我塊面都被壓到好痛，放工返屋企發現半邊面腫晒。」
片中Juno與蒼井空飾演一對情侶，但因有不少暴力鏡頭和題材敏感，最終被列為三級片。他笑言不止一次參與三級片拍攝，無故成為三級片男星，但澄清只是劇情需要而已，絕對沒有鼓吹暴力或色情。
Juno的頭部慘被壓落枱上的按釘堆中。