阿倫自爆險陷財政危機

娛樂公司藝能昨晚舉行25周年慶祝晚宴，逾百藝人出席，老闆譚詠麟自爆成立初期有投資者突然「抽頭」，險陷財政危機。

昨晚娛樂公司藝能慶祝成立25周年，在九展筵開127席，曾志偉、陳百祥（阿叻）、吳思遠、張同祖、秦沛、鄺美雲、溫拿和黃伊汶等逾百藝人赴會，身為老闆的譚詠麟與媽媽齊齊到場，校長笑言是藝能的開國功臣，並透露當年初成立即遇上財政危機，他說：「本來有財團諗住畀錢投資，後來突然『抽頭』，因為當時簽咗好多幕後人，焗住我要開演唱會。（你挽救咗藝能？）咁又唔可以咁講。」

阿叻否認有股份

校長指晚宴有逾百萬獎金獎品，問到會否自掏腰包加碼？他笑說：「公司嘅咪即係我嘅，我今日有好多身份，要同克勤、溫拿同Mr.合唱。（咁咪好似開演唱會咁？）咁又唔會，我要招呼大家。」他表示藝能明年將會為溫拿及許冠文開騷，並斷言否認同為老闆的張國忠即將退休：「冇啲咁嘅事！」以嘉賓身份到場的阿叻被問到是否藝能老闆，他笑說：「我要澄清呢個25年嘅誤會，我少少份都冇，阿倫係大老闆，張國忠就負責做嘢，阿倫知道搞演唱會實賺嘛，所以唔預我！」

克勤透露已加盟藝能逾20年，大讚公司夠團結：「依家做到有冇合約都冇分別，我唔敢講藝能係最好，不過係最兄弟班。（入股？）我唔啱呢啲，我湊仔啫！」