Rosanne恨影大肚裸照
黃婉君（Rosanne）和妹妹黃婉佩（Race）昨日以代言人身份拍攝纖體及美容硬照，懷孕3個半月的Rosanne穿上低胸透視裙，上圍升Cup，將身穿Tube Dress的Race比下去，Rosanne笑說：「應該遮住嘅地方都遮住，今日係我出道以來露得最多肚嘅一次！」她坦言想學狄美摩亞影大肚裸照：「今個月老公有幫我影！（一家三口影裸照？）同BB就可以，同老公就唔好喇！」
Rosanne大讚BB帶挈她拍廣告搵錢：「BB為我帶來好運，未出世已經識搵錢，希望有廣告商贊助我奶粉同尿片啦！」Race即搶着說：「最好有埋冬蟲草同燕窩！」問Rosanne是否儲夠400萬？她說：「真係要有儲蓄先可以有BB，因為有好多嘢要買，我張List寫咗百幾樣嘢！」
Race（右）幫家姐Rosanne爭取燕窩和冬蟲草贊助。