樂易玲與志雲拖手Friend番晒

今屆視帝大熱之一的陳豪昨日連跑兩場，先於下午出席一個公開活動，晚上再出席由無綫副行政主席梁乃鵬博士為《公主嫁到》所設的宴會。昨午在公開活動中，他被問到有否信心奪視帝時，已入圍最後五強的他說：「OK！今年評語幾好，《公》劇將會喺中央台播映添！（黎耀祥呼聲都高？）我都睇好佢。（你係『親生仔』機會較大？）唔可以咁講，但話冇幫助又唔係，總之有好多因素。（無綫補鑊畀黃日華入最後五強？）華哥喺大家心目中一早係男主角啦！」至於有傳佘詩曼被神棍騙財，陳豪表示未看過報道，亦不覺對方欠人緣。

昨晚，梁乃鵬於宴會中公開否認製作資源部總監樂易玲會離開無綫，並表示無綫中並沒有分黨分派，樂易玲亦說：「我冇諗過要走，公司需要我哋。（依家好定？）一向好定！」梁乃鵬、陳志雲、樂易玲及曾勵珍更即場手疊手合照以示團結，至於廉署官司未了的陳志雲，亦不避嫌與一眾藝員抱抱，互相問好！

鄧萃雯不滿結局外洩

另外，黎耀祥、鄧萃雯、麥長青及李添勝昨日到電台接受查小欣訪問，他們分別獲網民選為最佳男、女主角、最佳男配角及最佳監製，祥仔說：「預先拎咗呢個獎，信心增加咗唔少。」對於外界已率先披露《義海豪情》結局，他認為影響不大，但鄧萃雯直言有點忟：「我戥班編劇心痛，咁辛苦諗個結局出嚟，依家畀人講晒。」至於有傳明年舉行亞洲艾美獎，黎耀祥表示對港劇充滿信心。