GiGi北京開騷 等「男友」到
梁詠琪（GiGi）前晚與吳君如出席時裝活動，風騷的GiGi表示因為服裝有品牌贊助，她說：「每季都慳到七位數字，好開心，慳到啲錢可以用嚟做善事。（演唱會啲衫有冇贊助？）演唱會啲衫係訂造嘅。（嚟緊北京演唱會啲衫性唔性感？）OK啦！健康嗰隻，北京唔可以太性感。今次係首次喺北京開演唱會，同歌迷一齊過聖誕。（會唔會約埋啲追求者去北京？）希望啲追求者追到嚟北京啦！」
至於君如則從片場趕過來，忙於拍攝曾志偉賀歲片《我愛香港》的她說：「依家啲賀歲片都係咁樣趕嘅，啲通告凌晨3點就開工，一嚟就拍15個鐘，我有去探黃百鳴班。（刺探軍情？）我係咁話我部戲好好笑，畀壓力佢哋。」她透露囡囡曾前來探班，大讚囡囡氹人很叻，她說：「個女喺我面前就話我No.1，爹哋喺度就話我哋兩個都No.1。」對於陳偉霆向蔡卓妍求婚的傳聞，與他們分屬好友的君如則代為澄清，指阿Sa曾揚言目前不會結婚。
GiGi春風得意滿場飛。
吳君如為趕拍新片，連續開工15小時。